Rheoli risgiau AI cyn iddynt gael y blaen ar eich busnes

Mae Deallusrwydd Artiffisial (AI) yn trawsnewid gweithleoedd yn gyflymach nag y gall cyflogwyr ymateb. Mae 78% o weithwyr yn defnyddio AI, ond dim ond 21% o fusnesau sy’n meddwl eu bod yn gwneud hynny ac mae llai nag 1% o restrau swyddi yn sôn amdano. Mae’r bwlch hwn yn creu risgiau ‘AI cysgodol’ fel torri rheolau data, torri GDPR a materion eiddo deallusol.

Efallai y byddai rhwystro AI yn teimlo fel cydymffurfiaeth gyfrifol, ond mae’n afrealistig. Mae llawer o weithwyr yn defnyddio eu hoffer eu hunain, gyda dim ond 39% wedi derbyn hyfforddiant gan eu cwmni a 32% yn cadw eu defnydd ohono’n gyfrinachol.

Mae ein hadroddiad Future Workspaces yn edrych ar y ffigurau a’r risgiau hyn yn fanwl. Mae’n amlinellu’r heriau allweddol i gyflogwyr, gan gynnwys:

• Mabwysiadu a gweithredu AI yn effeithiol
• Llywodraethu defnydd o AI
• Rheoli ymddygiad gweithwyr
• Cydymffurfio â dyletswyddau Deddf AI yr UE (bydd deddfwriaeth y DU yn debygol o fenthyca o hon).

Pan ddaw hi i AI yn y gweithle, cael eich gadael ar ôl gan y doniau gorau a’ch cystadleuwyr yw’r pris i’w dalu am chwarae’n ddiogel.

Darllenwch yr adroddiad llawn am gamau ymarferol i amddiffyn eich busnes a chadw’n gystadleuol.

Gallwch weld yr adroddiad yma.