HCR Law yn cryfhau presenoldeb rhanbarthol gyda rownd fwyaf erioed o ddyrchafiadau

Mae’r cwmni cyfreithiol HCR Law, sydd yn y 60 uchaf yn y DU, wedi cyhoeddi twf rhanbarthol sylweddol ledled y DU.

Yn y rownd fwyaf yn ei hanes o ddyrchafiadau, mae HCR Law wedi dyrchafu 87 o gyfreithwyr a gweithwyr proffesiynol cymorth ar draws pob disgyblaeth gyfreithiol ac o fewn 10 swyddfa’r cwmni, gan adlewyrchu ymrwymiad y cwmni i gydnabod talent a chryfhau ei bresenoldeb ledled Cymru a Lloegr.

O fewn y rownd dyrchafu, mae 10 Partner newydd wedi’u cyhoeddi gan HCR Law. Yn eu plith mae Tom Williams sydd wedi adeiladu ei yrfa yn HCR Law ers ymuno fel paragyfreithiwr dros 15 mlynedd yn ôl ac, o 1 Ebrill ymlaen, mae’n dod yn Bartner yn y tîm Datrys Anghydfodau. Yn yr un modd, mae Paul Grundy wedi cael ei ddyrchafu’n Bartner yn yr is-adran Ailstrwythuro ac Ansolfedd. Gyda dros 20 mlynedd yn y cwmni, mae wedi datblygu ffocws cryf ar y sector addysg.

Mae’r dyrchafiadau yn rhychwantu pob lefel, gan gynnwys naw cyfreithiwr newydd gymhwyso a gwblhaodd eu contractau hyfforddi ym mis Mawrth. Yn eu plith mae Olivia Mitcham, sydd ochr yn ochr â’i gyrfa gyfreithiol yn cydbwyso ei rôl fel ymosodwraig yn cystadlu yng Nghynghrair Genedlaethol y Menywod, Adran Un, i Glwb Pêl-droed Merched Dinas Caerwrangon.

Ar draws cynnig gwasanaeth llawn HCR, mae twf Cleient Preifat wedi’i gydnabod, gyda 18 o gydweithwyr yn cael eu cynnwys yn y dyrchafiadau ar draws y cwmni. Mae hyn yn cynnwys Nia Griffiths, sy’n camu i rôl Partner, ac yn dod yn drydydd Partner Cleient Preifat yn swyddfa HCR yng Nghymru yng Nghaerdydd.

Dywedodd Rod Thomas, Partner Rheoli: “Rwy’n falch iawn o rannu’r cyhoeddiad heddiw. Mae pob un o’r 87 dyrchafiad yn cynrychioli stori unigol o ymroddiad – o weithwyr proffesiynol sydd wedi mireinio eu harbenigedd wrth ddarparu dulliau sy’n canolbwyntio ar gleientiaid. Mae llawer wedi adeiladu eu gyrfaoedd yn HCR Law. Mae eu teithiau yn dyst i ymrwymiad ein cwmni i feithrin talent a darparu amgylchedd lle gall pobl dyfu a ffynnu.

“Fel cwmni cyfreithiol annibynnol, rydym yn parhau i fod yn ymroddedig i feithrin diwylliant wedi’i adeiladu ar angerdd dros bobl. Llongyfarchiadau i bob un ohonynt – edrychaf ymlaen at weld eu gyrfaoedd yn parhau i ffynnu yn HCR Law.”